ජල,විදුලි හා දුරකතන ගාස්තු වැඩි නැහැ
වැට් බදු සංශෝධනය හේතුවෙන් ජල,විදුලි හා දුරකතන සේවා ගාස්තු වැඩි නොවන බව මුදල් අමාත්‍යංශය පවසයි.
තිරසාර සංහිඳීයාවක් සඳහා නව රජයේ කැපවීම පැහැදිළියි – එ. ජාතීන්ගේ ඇමරිකානු තානාපතිනී
රට තුළ තිරසාර සංහිඳීයාවක් ඇති කිරීම සහා පසුගිය මාස 10 තුළ නව රජය කළ කැපවීම එක්සත් ජාතීන්ගේ සංවිධානයේ ඇමරිකානු තානාපතිනි සමන්තා පවර් මහත්මියගේ ඇගයීමට ලක් වෙයි.
ඉන්දියාව හා ශ්‍රී ලංකාව එකට බැඳුණු සුහඳ හා මිත්‍රශිලි සබඳතාවක්
ජනපති මෛත්‍රී මාතලේ දී කියයි
ඉන්දියාව හා ශ්‍රි ලංකාව අතරේ වසර දහස් ගණනක් පවතින සම්බන්ධතාවය ආර්ථික හා සමාජිය යන සියලු අංශවලින් එකට බැඳුණු සුහඳ හා මිත්‍රශිලි සබඳතාවක් බව ජනාධිපති මෛත්‍රිපාල සිරිසේන මහතා මාතලේ දී පැවැසීය.
ඉන්දීය සාගර කලාපයේ ආරක්ෂාවට සූදානම්
අගමැති රනිල් කියයි
ඉන්දීය සාගර කලාපීය ආරක්ෂක ගැටලු විසඳා ගැනීම පිණිස එක්සත් ජාතීන්ගේ සංවිධානය ඇතුළු සියලු පාර්ශ්වයන්ගේ සහභාගිත්වයෙන් සමන්විත බහු පාර්ශ්වික සංවාද මණ්ඩපයක් පිහිටුවීමේ කාර්යයේ පෙරමුණ ගැනීමට ශ්‍රී ලංකාව සූදානම් බව අග්‍රාමාත්‍ය රනිල් වික්‍රමසිංහ මහතා පවසයි.
ගාලු කථිකාව ඇරඹෙයි
රාජ්‍ය ආරක්ෂක අමාත්‍යාංශයේ මග පෙන්වීම යටතේ ශ්‍රී ලංකා නාවික හමුදාව විසින් සයවන වසරටත් සංවිධානය කරනු ලබන 2015 ගාලු කථිකාව (Galle Dialogue) අන්තර්ජාතික සාගරික සම්මන්ත්‍රණය අද ගාල්ල, ලයිට් හවුස් හෝටලයේදී ආරම්භ විය.
අධ්‍යාපනයට වෙන් කළ විශාලම මුදල මෙවර
අධ්‍යාපනයට මෙතෙක් කිසිදු ආණ්ඩුවක් වෙන් නොකළ විශාල මුදලක් 2016 අය-වැය තුළින් අලුත් ආණ්ඩුව වෙන් කර ඇති බව ජනාධිපති මෛත්‍රීපාල සිරිසේන මහතා ප්‍රකාශ කළේය.
එය පසුගිය දශක කිහිපය තුළ වාර්ෂිකව වෙන් කළ මුදලට වඩා හතර ගුණයකින් වැඩි බව ද ජනාධිපතිවරයා අනාවරණය කළේය.
ජනාධිපතිවරයා මෙසේ සඳහන් කළේ මාළඹේ ආදර්ශ පිරිමි විද්‍යාලයේ වාර්ෂික ත්‍යාග ප්‍රදානෝත්සවයට පෙරේදා (21) එක් වෙමිනි.
වාහන පර්මිට් අහෝසියි
වසරකට කෝටි 4000ක ඉතිරියක්
පාර්ලිමේන්තු පළාත් සභා මැති ඇමැතිවරුන් ඇතුළු රජයේ විධායක ශ්‍රේණියේ ඉහළ නිලධාරීන්ට තීරු බදු රහිත වාහන ආනයනය කිරීමට ලබාදුන් බලපත් අ‍හෝසි කිරීමෙන් රජයට වසරකට රුපියල් කෝටි හාරදහසක මුදලක් ඉතිරි කර ගත හැකි බවට ඇස්තමේන්තුකොට තිබේ.