ගොවි ජනතාවට ලබා දෙන පොහොර සහනාධාරයට හිමි මුදල සම්පූර්ණයෙන්ම ලබා දෙන බව අගමැති රනිල් වික්‍රමසිංහ මහතා පාර්ලිමේන්තුවේ දී ඊයේ (26)පැවැසීය. පොහොර සහනාධාරය ලෙස ගොවින්ට සහනාධාරයෙන් අඩක් ලබාදීමට කිසිදු අදහසක් නොමැති බව ද අගමැතිවරයා සඳහන් කළේය. අගමැති රනිල් වික්‍රමසිංහ මහතා මේ බව සඳහන් කළේ අය-වැය විවාදය අතරතුර දී රත්නපුර දිස්ත්‍රික් පාර්ලිමේන්තු මන්ත්‍රි රන්ජිත් සොයිසා මහතා මතුකරන ලද ප්‍රශ්නයකට පිළිතුරු දෙමිනි.
රන්මිණිතැන්න මහින්ද රාජපක්ෂ ටෙලි සිනමා ගම්මානය විශ්ව විද්‍යාලයක් ලෙස දියුණු කිරීමට රජයේ අවධානය යොමුව තිබේ.
ලක්ෂ හතරකට අඩු ජනගහනයක් සහිත මෝල්ටාවේ ජනතාවද, පොදු රාජ්‍ය මණ්ඩලයීය රාජ්‍ය නායක සමුළුවට සහභාගී වීමට පැමිණ සිටින නියෝජිතයෝ ද පොදු රාජ්‍ය මණ්ඩලයට අයත් රටවල් 53 ක මාධ්‍යකරුවෝද මේ වන විට තව දින දෙකකින් ආරම්භ වන මෙම සමුළුව සඳහා විශිෂ්ට වැදගත්කමකින් යුත් දෙදෙනෙකුගේ පැමිණීම මහත් උද්යෝගයෙන් බලාපොරොත්තුවෙන් සිටිති.
කටුනායක බණ්ඩාරනායක ජාත්‍යන්තර ගුවන් තොටුපළ සහ රත්මලාන කොළඹ ගුවන් තොටුපොළ ඒකාබද්ධ කර අභ්‍යන්තර ගුවන් ගමන් ආරම්භ කිරීම සඳහා වූ යෝජනාවක් රජය වෙත ඉදිරිපත් වී තිබේ.
කරන්දෙණිය කොටවෙල ශ්‍රී සදහම් විවේක සේනාසනයේ අභිනවයෙන් ඉදිකළ සත් බුදුරජ ශ්‍රී සදහම් සෑයෙහි කොත් වහන්සේ නිරාවරණය කිරීමේ මහා පූජෝත්සවය පසුගියදා එම විහාරස්ථාන පරිශ්‍රයේදී සිදුවිණි. ගම්වාසී ජනතාවගේ ධන පරිත්‍යාගයෙන් ඉදි වුණු එම සත් බුදුරජ ශ්‍රී සදහම් සෑයෙහි කොත නිරාවරණය කිරීමේ පිංකම සඳහා ප්‍රධාන ආරාධිතයා ලෙස එක් වූයේ පාර්ලිමේන්තු ප්‍රතිසංස්කරණ හා ජනමාධ්‍ය ඇමැති ගයන්ත කරුණාතිලක මහතාය. එම පූජෝත්සවය සදහා හිටපු පාර්ලිමේන්තු මන්ත්‍රී ජයන්ත ජයවීර , පළාත් මන්ත්‍රී අශෝක ධනවංශ, ජාතික රූපවහිනියේ නීති උපදේශක නුවන් සොමිරත්න,නීතිඥ ඒ .සුබසිංහ මහත්වරුන් ඇතුළු පිරිසක් එක්වූහ.
විප්ලවය කළ පුද්ගලයින්ට ප්‍රතිවිප්ලවය පරාජය කළ හැකි බවත් නොවැම්බර් විප්ලවයේ අතීත මතක සටහන් අමතක නොකරමින් වර්තමානයේ කළ යුතු දේ සහ අනාගතය වෙනුවෙන් කළයුතු දේ සඳහා වෙහෙසිය යුතු බවත් ජනාධිපති ගරු මෛත්‍රීපාල සිරිසේන මැතිතුමා සඳහන් කළේය.
ගාල්ල, මාතර ඇතුළුව දක්ෂිණ නගර සංවර්ධනය සම්බන්ධයෙන් එම පළාත නියෝජනය කරන කැබිනට් හා කැබිනට් නොවන ඇමැතිවරු මෙන්ම පළාත් නියෝජනය කරන ඇමැතිවරුන්ද සම්බන්ධ කර ගනිමින් සාකච්ඡා සිදුකරන බවත්, මේ සංවර්ධන කටයුතු කිරීමට බලාපොරොත්තු වන බවත් අගමැති රනිල් වික්‍රමසිංහ මහතා පාර්ලිමේන්තුවේ දී ඊයේ (24) ප්‍රකාශ කළේය.