අද උදැසන පාර්ලිමේන්තුවේ දී මහබැංකු අධිපතිවරයා සම්බන්ධයෙන් පාර්ලිමේන්තු මන්ත්‍රී දිනේෂ් ගුණවර්ධන මහතා විසින් ස්ථාවර නියෝග 23(2) යටතේ කළ ප්‍රකාශයට පිළිතුරු ලබාදෙමින් අග්‍රාමාත්‍ය රනිල් වික්‍රමසිංහ මහතා කියා සිටියේ සත්‍ය වෙනුවෙන් හා ශීලාචාර ශ්‍රී ලංකාවක් වෙනුවෙන් තමන් පෙනී සිටින බව.
අච්චාරුවක් වී ඇත්තේ ආණ්ඩුව නොව හිටපු අගවිනිසුරු සරත් නන්ද සිල්වා මහතාගේ මොළය බව සෞඛ්‍ය හා දේශීය වෛද්‍ය ඇමැති කැබිනට් ප්‍රකාශක වෛද්‍ය රාජිත සේනාරත්න මහතා පවසයි. පසුගිය දා කොළඹ දී පැවැති සම්මන්ත්‍රණයක දී සරත් නන්ද සිල්වා මහතා කළ විශේෂ දේශනයක දී වත්මන් ආණ්ඩුව අච්චාරුවක් යැයි පළ කළ අදහස් පිළිබඳව ඇමැතිවරයා මෙම අදහස් පළ කළේය.
දිවයිනේ රෝහල් ගණනාවක සුව සේවක පිරිසක් වැඩ වර්ජනයක යෙදුනද ත්‍රිවිධ හමුදාවේ සමාජිකයන් යොදා එම රෝහල්වල කටයුතු යථා තත්ත්වයෙන් පවත්වාගෙන යාමට හැකි වී තිබේ. හමුදා මාධ්‍ය ප්‍රකාශක බ්‍රිගේඩියර් ජයනාත් ජයවීර මහතා ප්‍රකාශ කෙළේ යුද, නාවික හා ගුවන් හමුදා සාමාජිකයන් 1180 දෙනෙක් ඒ සඳහා යොදවා ඇති බවය.
රුපියල් කෝටි 50ක කප්පමක් ඉල්ලා නයිජීරියාවේ සිරකරගෙන සිටි ඩී.ඒ. කරුණාදාස ශ්‍රී ලංකාවේ වේලාවෙන් ඊයේ රාත්‍රී 9.30 ට පමණ නිදහස් කළ බව වාර්තා වේ.
නයිජීරියාවේ ශ්‍රී ලංකා තානාපතිවරයා මේ බව සනාථ කර ඇති බව ද ඇතැම් මාධ්‍ය වාර්තා අනාවරණය කර තිබේ.
ජනපති යාපනයේ දී කියයි
පසුගියදා යාපනය ප්‍රදේශයේ පාසල් දැරියක අපයෝජනයට ලක් කර ඝාතනය කිරීමේ සිද්ධියට අදාළ වරදකරුවන්ට විශේෂ අධිකරණයක් හරහා උපරිම දඬුවම් ලබාදීමට පියවර ගන්නා බව ජනාධිපති මෛත්‍රීපාල සිරිසේන මහතා පැවසීය. එමෙන්ම මෙවැනි සිදුවීම් යළිත් කිසිදු අවස්ථාවක රට තුළ ඇතිවීමට ඉඩ තැබිය නොහැකි බවද ජනාධිපතිවරයා අවධාරණය කෙළේය.
වලවාහැංඟුණ වැවේ ධම්මරතන හිමි
පොසොන් සතිය තුළ ඓතිහාසික මිහින්තලා පුදබිම වෙත ලක්ෂ 30-40ත් අතර බැතිමතුන් පිරිසක් වන්දනාමාන සඳහා පැමිණෙනු ඇතැයි මිහින්තලා රජමහා විහාරාධිපති වලවා හැංගුන වැවේ ධම්මරතන හිමියෝ පැවසූහ.
එය තමාගේ ප්‍රතිපත්තියක් බව අගමැති කියයි
ආණ්ඩුවේ කටයුතු පිළිබඳ පාර්ලිමේන්තුව දැනුවත් කළ යුතුය යන මූලධර්මය සැමදාම දේශපාලන ප්‍රතිපත්තියක් වශයෙන් තමා පිළිගත් බවත් තම දේශපාලන ප්‍රතිපත්තිවලට කිසිදිනක අනිවාර්ය නිවාඩු ලබා නොදෙන බවත් අග්‍රාමාත්‍ය රනිල් වික්‍රමසිංහ මහතා පවසයි. අගමැතිවරයා මේ බව සඳහන් කළේ කර්තෘවරුන් හත් දෙනකු විසින් රචිත ග්‍රන්ථ අරලිය ගහ මන්දිරයේ දී ඊයේ(26) ඔවුන් විසින් අගමැතිවරයාට භාර දුන් අවස්ථාවේ දී ය.