පොලිස් මූල්‍ය අපරාධ විමර්ශන ඒකකය යටතේ විමර්ශනවලට මුහුණදුන් පසුගිය රජයේ ප්‍රබල දේශපාලනඥයන් සහ රාජ්‍ය නිලධාරීන් කිහිප දෙනෙකුට එරෙහිව මහාධිකරණය හමුවේ කෙළින්ම අධිචෝදනා පත්‍ර ගොනු කෙරෙනු ඇතැයි නීතිපති දෙපාර්තමේන්තුවේ ආරංචිමාර්ග ප්‍රකාශ කරයි.
ජනාධිපති මෛත්‍රීපාල සිරිසේන මහතා මැයි 23 වැනිදා සවස පොළොන්නරුව දිස්ත්‍රික්කයේ ප්‍රදේශ කිහිපයක සංචාරය ක ෙළ්ය.
නයිජීරියාවේ දී කොල්ලකරුවන් පිරිසකගේ ග්‍රහණයට හසු වූ ශ්‍රී ලාංකික සිවිල් ඉංජිනේරුවරයා මුදාගැනීමේ සාකච්ඡා සාර්ථක මට්ටමට ළඟා වී ඇතැයි එරට ශ්‍රී ලංකා තානාපති කාර්යාලය පවසයි.
නව ජාතික ආරක්ෂක සැලැසුමක් ෙගාඩනඟන බව ජනපති ජාතික රණවිරු සැමරුමේ දී කියයි
නව ජාතික ආරක්ෂක පිළිවෙතක් හා සැලැස්මක් ගොඩ නඟමින් ත්‍රස්තවාදය නැවත මේ රටේ හිස එසවීමට කිසිදු ඉඩක් නොදෙන බව ජනාධිපති මෛත්‍රීපාල සිරිසේන මහතා මාතර දී ඊයේ (19) පැවසීය. බියෙන් සැකෙන් අවිශ්වාසයෙන් තොරව සියලු ජනතාව අන්‍යොන්‍ය අවබෝධයක් ඇතිව තමතමන්ගේ වගකීම් හා යුතුකම් මෙනෙහි කරමින් තම කටයුතු කාර්යක්ෂමව හා විධිමත්ව ඉටු කළ යුතු බවද හෙතෙම අවධාරණය කෙළේය.
කයිට්ස් කුන්කුඩතිව් මහ විදුහලේ උසස් පෙළ හදාරන ශිවයෝගනාදන් විද්‍යා (17) නැමැති සිසුවිය සමූහ දූෂ්‍ය කර ඝාතනය කිරීමේ සිද්ධියට සම්බන්ධ සැකකරුවන් සිව් දෙනකුගේ නිවාස වලට පෙරේදා (18) ප්‍රදේශවාසීන් පිරිසක් විසින් ගිනිතබා විනාශ කරනු ලැබ ඇත.
රිදුණු. බිඳුණු හදවත් සුවපත් වන ජාතීන් අතර සමගිය තහවුරු වන අර්ථ සම්පන්න රණවිරු සැමරුම් උළෙලකට උණුසුම් සුබ පැතුම් පිරිනමන බව අග්‍රාමාත්‍ය රනිල් වික්‍රමසිංහ මහතා ප්‍රකාශ කරයි. ජාතික රණවිරු සේවා අධිකාරිය විසින් පවත්වන රණවිරු සැමරුමට සුබපැතුම් පණිවුඩයක් නිකුත් කරමින් අගමැතිවරයා එසේ කියා සිටියි.
9 වැනි ආණ්ඩුක්‍රම ව්‍යවස්ථා සංශෝධනයෙන් පාර්ලිමේන්තුවේ බලය යළිත් තහවුරු වී තිබෙන බැවින් ජූලි මාසයේ දී පමණ ඡන්දයකට යාමට බලාපොරොත්තු වන බව අගමැති රනිල් වික්‍රමසිංහ මහතා පවසයි. එමෙන්ම 19 සංශෝධනයෙන් රටට සේවයක් සිදුව ඇතිමුත් මීට වඩා විශාල වෙනසක් සිදු කිරීමට නම් ජනමත විචාරණයකට යා යුතුව ඇතැයි ද හෙතෙම පෙන්වා දෙයි.