ආර්ථික දියුණුව, දූෂණය මුලිනුපුටා දැමීම, නිදහස තහවුරු කිරීම, යටිතල පහසුකම් සඳහා ආයෝජනය සහ අධ්‍යාපනය ඉහළ නැංවීම තුළින් එක්සත් ජාතික පෙරමුණ මාස හැටකින් අලුත් රටක් සෑදීමේ පංචවිධ ක්‍රියාවලිය ඊයේ (23) එළිදැක්විණි.
මෙම ක්‍රියාවලියේ ආර්ථික වැඩපිළිවෙළට පාදක වී ඇත්තේ දැනුම මත පදනම් වූ තරගකාරී සමාජ වෙළෙඳපොළ ආර්ථිකයක් මහජනතාවට සාධාරණ සමාජ ප්‍රතිලාභ ලබා දීම සහතික කෙරෙන අතර මෙම වෙළෙඳපොළ ආර්ථිකය මගින් විවෘත ආර්ථිකයේ පදනම පුළුල් කෙරේ.
’‘මට ඕනෑ රජ පවුලක් ඇති කරන්නට නොවේ හැම පවුලක්ම රජ කරවන්න’’ යැයි අග‍්‍රාමාත්‍ය රනිල් වික‍්‍රමසිංහ මහතා අද ‘මාස 60කින් අලුත් රටක් හදන පංචවිධ ක්‍රියාවලිය‘ ප්රතිපත්ති ප්රකාශනය කොළඹ විහාර මහාදේවී උද්‍යානයේදී අද (23) පෙරවරුවේ එළිදක්වමින් පැවසීය.
එහිදී අග‍්‍රාමාත්‍යවරයා විසින් සර්වාගමික නායකයින් වෙත ප්රතිපත්ති ප්රකාශනය පිළිගන්වනු ලැබීය.
ඉදිරි පාර්ලිමේන්තු මැතිවරණය වෙනුවෙන් ජනතා විමුක්ති පෙරමුණේ ජාතික වැඩපිළිවෙළ වූ ‘හෘද සාක්ෂියේ සම්මුතිය’ එළිදැක්වීමේ විශේෂ මහා සමුළුව ඊයේ (22 දා) කොළඹ සුගතදාස ගෘහස්ථ ක්‍රීඩාංගණයේදී පක්ෂයේ නායක අනුර කුමාර දිසානායක මහතා ඇතුළු ජනතා විමුක්ති පෙරමුණේ නායකයන්ගේ ප්‍රධානත්වයෙන් පැවැත්විණි.
රජය මගින් නිකුත් කළ නිවේදනයට ගරු කරමින් විදුලි බල හා බලශක්ති අමාත්‍ය පාඨලී චම්පික රණවක මේ වන විට පරිහරණය කරන වාහන ත්‍රිත්වය සදහා ගෙවිය යුතු රුපියල් ලක්ෂය බැගින් වූ ලක්ෂ තුනක මුදලක් ලබා දීම අද අමාත්‍යයංශයේදී සිදු විය.
ශ්‍රී ලංකා නිදහස් පක්ෂ තරුණ සංවිධාන හා නිල් බලකායේ ත්‍රිකුණාමල ක්‍රියාකාරින් පිරිසක් අද එක්සත් ජාතික පක්ෂය දිනවීමට ශ්‍රී ලංකා මුස්ලිම් කොංග්‍රසයට එක්විය.
ස්විට්සර්ලන්තයෙන් සරණාගත භාවය ඉල්ලා ඇති ලෝකයේ දෙවැනි රට බවට ශ්‍රී ලංකාව පත්ව තිබේ.
මැතිවරණ කොමසාරිස් මහින්ද දේශප්‍රිය මහතාගේ ඉල්ලීමකට අනුව යුරෝපා සංගමයේ මැතිවරණ නීරික්ෂණ දුත මණ්ඩලය අද සිය කටයුතු ආරම්භ කළේය.
යුරෝපා පාර්ලිමේන්තුවේ රුමේනියා මන්ත්‍රීවරයකු වන ක්‍රිස්ටියන් ප්‍රෙඩාය එහි ප්‍රධානියා ලෙස කටයුතු කරන අතර යුරෝපා සංගමයට අයත් විවිධ රටවල් වලින් නිරික්ෂකයන් 70 කට අධික පිරිසක් මෙම දුත මණ්ඩලයට අයත් වේ.