දේශපාලන සිරකරුවන් බන්ධනාගාර තුළ නෑ. උපවාසයේ නිරතව සිටින සිරකරුවන් සම්බන්ධව තීරණය කළ යුත්තේ රජයයි. ඒ සම්බන්ධව අධිකරණ අමාත්‍යාංශයට ක්‍රියා මාර්ගයක් ගැනීමට නොහැකි බව අධිකරණ ඇමැති විජයදාස රාජපක්ෂ මහතා පවසයි.

ජනාධිපතිතුමාගේ අධීක්ෂණය යටතේ ජනාධිපති ලේකම්වරයා සහ අදාළ අමාත්‍යවරුන් කිහිප දෙනෙකුගේ මූලිකත්වයෙන් ජාතික මට්ටමේ වෘත්තීය සමිති උපදේශක සභාවක් පත්කිරීමට ජනාධිපතිතුමා අනුමැතිය පළ කලේය.

සාධාරණ සමාජයක් සඳහා වන වෘත්තීය සමිති එකමුතුවේ නියෝජිත පිරිසක් ඊයේ (12) පස්වරුවේ ජනාධිපති නිල නිවසේදී ජනාධිපති ගරු මෛත්‍රීපාල සිරිසේන මැතිතුමාගෙන් කරන ලද සාකච්ඡාවකදී මෙම අනුමැතිය පළ විය.

නව ආණ්ඩුක්‍රම ව්‍යවස්ථාවක් සකස් කිරීම සම්බන්ධයෙන් සොයා බැලීම සඳහා අගමැති රනිල් වික්‍රමසිංහ මහතාගේ උපදෙස් පරිදි කමිටුවක් පත්කර ඇත. නීති කෙටුම්පත් දෙපාර්තමේන්තුවේ නිලධාරින්, නීති ක්ෂේත්‍රයේ ප්‍රවීණයන්, පාර්ලිමේන්තු නිලධාරින්, ඇතුළු සියලු අංශ ආවරණය වන පරිදි අදාළ නිලධාරින් මේ සඳහා පත්කර ඇත. විකල්ප ප්‍රතිපත්ති කේන්ද්‍රය විසින් කොළඹ දී ඊයේ (13)පැවැත්වූ විද්වත් කතිකාවකට සහභාගී වෙමින් ජයම්පති වික්‍රමරත්න මහතා මේ බව අනිවරණය කළේය.

යුද ගැටුම් පැවැති සමයේ දී ශ්‍රී ලංකාවේ අපරාධ සහ මානව හිමිකම් කඩවීම් සිදුව තිබෙන බවට නැඟෙන චෝදනා සම්බන්ධයෙන් සොයා බැලීම සඳහා කෙරෙන දේශීය යාන්ත්‍රණය වෙනුවෙන් අවශ්‍ය ඕනෑම සහයෝගයක් ලබාදෙන බව ජපාන රජය අවධාරණය කරයි. ශ්‍රී ලංකා රජය ඉල්ලීමක් කරන්නේ නම් ඒ සඳහා අවශ්‍ය සහාය ලබාදීමට සූදානම් බවද එලෙස ශ්‍රී ලංකා රජයට දියහැකි සහයෝගය සම්බන්ධයෙන් සොයා බැලීම සඳහා ජපානයේ විශේෂ නියෝජිතයෙකු ඉදිරි දින කිහිපය ඇතුළත ශ්‍රී ලංකාවට පැමිණීමට නියමිත බවද ශ්‍රී ලංකාවේ ජපාන තානාපති කෙනිචි සුගනුමා මහතා ප්‍රකාශ කරයි. තානාපතිවරයා ඒ බව සදහන් කෙළේ ශ්‍රී ලංකාවේ ජපාන තානාපති කාර්යාලයේ දී ඊයේ (13) පැවැති විශේෂ මාධ්‍ය හමුවට සහභාගි වෙමිනි.

මෙරට නිදහස් සෞඛ්‍යයත්, නිදහස් අධ්‍යාපනයත් වෙනුවෙන් වෙන් කරන මුදල ලබන අය වැය තුළින් තවදුරටත් වැඩිකිරීමට පියවර ගන්නා බව ජනාධිපතිතුමා පවසයි.

රුපියල් ලක්ෂ 93ක් වටිනා වල්ලපට්ට තොගයක් නීතිවිරෝධීව ශී‍්‍ර ලංකාවෙන් පිට කිරීමට උත්සහ කළ පුද්ගලයෙකු කටුනායක බණ්ඩාරනායක අන්තර්ජාතික ගුවන්තොටුපොළේදී අද ලූයම අත්අඩංගුවට ගෙන තිබේ.‍