යෝජිත ව්‍යාවස්ථා සංශෝධනයේදි පොලිස් බලතල ඇතුලු බලතල සහිත පලාත් සභාවකට බලය පැවරෙන පරිදි සංශෝධනයක් අවශ්‍ය යැයි උතුරු නැගෙනහිර පලාත් සභාවේ හිටපු මහ ඇමති ඊ.පි.ආර්.එල්.එෆ්.නායක වර්දරාජා පෙරුමාල් පැවසිය.

ඉන්දීය විදේශ කටයුතු ඇමැතිනී සුෂ්මා සුවරාජ් මහත්මිය දෙදින නිල සංචාරයක් සඳහා ලබන 05දා ශ්‍රී ලංකාවට පැමිණෙයි.

2009 මැයි 18 වනදා එල්.ටී.ටී.ඊ ත්‍රස්තවාදය සටන් බිමේ යුදමය වශයෙන් පරාජය වුවත්, මේ රටේ ඊළාම් රාජ්‍යයක් බිහි කිරීමට ඔවුන් තුල තිබූ මතවාදය ඒ තුල පරාජය නොවූ බව පැවසූ ජනාධිපතිතුමා යුදමය වශයෙන් පරාජය වූ ත්‍රස්තවාදීන් මතවාදී ලෙස පරාජය කිරීමේ වගකීම ඉටු කිරීමට නව රජය උර දී සිටින බව පැවසීය.

ඓතිහාසික කැලණිය දුරුතු මහා පෙරහර අද (20) දින ආරම්භවී අනිද්දා (21) දක්වා පැවැත්වේ. කැලණිය රජමහා විහාරාධිපති මහාචාර්ය කොල්ලුපිටියේ මහින්ද සංඝරක්ඛිත හිමියන් විසින් ධාතු කරඬුව ප්‍රධාන බස්නායක නිලමේ ධම්මික ආටිගල මහතාට භාරදීමෙන් පසුව ඇරඹෙන මෙම පෙරහර උත්සවය 22 වැනි දින රන්දෝලි පෙරහර පැවැත්වීමෙන් පසුව අවසන් වේ.

රුපියල් කෝටි දෙසීයක වියදමකින් කිලිනොච්චි නගරයේ ජාත්‍යන්තර දෙමළ සංස්කෘතික මධ්‍යස්ථානයක් ඉදිකිරීමේ යෝජනාවක් සම්මත වී ඇතැයි ඉන්දියාවේ 'හින්දු' පුවත්පත වාර්තා කර තිබේ.

රටේ ජනතාව අතර සාමය සහ සංහිඳියාව ගොඩනැගීම නීතියෙන් හෝ අලූතින් සම්මත කර ගන්නා පනතකින් පමණක් කළ නොහැකි බවත් එය සිදු කළ හැක්කේ ආගමික දර්ශනය අනුව බවත් ජනාධිපතිතුමා පවසයි.