ශ්‍යාමෝපාලිවංශික මහා නිකායේ සාමග්‍රී ධර්ම මහා සංඝ සභාවේ උපසම්පදා මහා පින්කමට සමගාමීව ගල්වාණ පුරාණ විහාරස්ථානයේ පැවැත්වූ සර්වඥ ධාතු පෙරහරේදී ශ්‍රි දළදා මාළගාවේ මිගාර හස්ති රාජයා ධාතූන් වහන්සේ තැන්පත් කළ කරඬුව වැඩමවමින් පෙරහරේ ගමන් කළ අයුරු.විහාරාධිපති එම සංඝ සභාවේ කාරක සභික දීගහවතුරේ ජිනරතන හිමි,කොළොන්නාව ශ්‍රී ලංකා නිදහස් පක්ෂ ප්‍රධාන සංවිධායක ප්‍රසන්න සෝලංගආරච්චි,හා කොටිකාවත්ත මුල්ලේරියාව ප්‍රාදේශීය සභා උප සභාපති සුමුදු රුක්ෂාන් පින්තු මහත්වරුද මෙහි සිටී.
පටු දේශාපාලන වාසි තකා රටේ ඒකීයත්වය විනාශ කිරීමට දකුණේ අන්තවාදී පිරිස් ක්‍රියා කරන බවත් ජාතීන් අතර ගොඩනැගී ඇති සුහඳතාව බිද වැටුණහොත් එහි වන්දි ගෙවීමට සිදු වෙන්නේ රටේ සමස්ත ජාතියටම බවත් ජනාධිපති මෛත්‍රිපාල සිරිසේන මහතා ප්‍රකාශ කළේය.
මරාගෙන මැරෙන ඇඳුම් කට්ටලය ඇතුළු පුපුරන ද්‍රව්‍ය තොගය කුමන අරමුණක් වෙනුවෙන් ගෙන ආවේද යන්න සොයා බලා ඊට සම්බන්ධවූවන්ට එරෙහිව දැඩිව නීතිය ක්‍රියාත්මක කළ යුතු බව දෙමළ ජාතික සන්ධානයේ නායක හා විපක්ෂ නායක ආර්. සම්බන්ධන් මහතා අවධාරණය කරයි. රටේ ජාතික ආරක්ෂාවට හා ජාතික සමගියට යළිත් වතාවක් තර්ජනයක් ඇතිවීමට කිසි‍විටෙක ඉඩ නොදිය යුතු බවද ඒ මහතා විපක්ෂ නායකවරයා පවසයි.
දකුණු මුහුදේ දී රුපියල් කෝටි සියයකට අධික වටිනා කමින් යුතු හොරෝයින් කිලෝ 110ක් සමඟ අත් අඩංගුවට පත් විදේශිකයන් 14 දෙනා පොලිස් මත්ද්‍රව්‍ය නාශක කාර්යාංශයේ රඳවා ප්‍රශ්න කිරීමට කොටුව මහේස්ත්‍රාත් අධිකරණය පෙරේදා (2) අවසර ලබාදුන්නේය. හෙරෝයින් ජාවාරම අනාවරණය කරගැනීම සඳහා මෙම පුද්ගලයන් රඳවා ප්‍රශ්න කිරීමට අවශ්‍ය බවත් , ඊට අවසර ලබා දෙන ලෙසත් කළ ඉල්ලීමක් සලකා බැලීමෙන් පසුව දින හතක කාලයක් සඳහා මෙම අවසරය ලබා දී ඇත.
අද රාජ්‍ය සේවයේ ඇතැම් පිරිසක් මූල්‍ය වංචා පිලිබඳ පරික්ෂණවලට පෙනී සිටිමට සිදුවනු ඇතැයි ලිපිගොනුවලට අත්සන් තැබීමෙන් වැළකී සිටින බව පැවසූ ජනාධිපතිතුමා තම කාර්ය නිසි ලෙස ඉටු කරන නිළධාරින්ට කිසිවිටෙකත් පරික්ෂණවලට පෙනී සිටීමට සිදු නොවන බව ප්‍රකාශ කළේය.
වව්නියාව පුන්තෝට්ටම් පුනරුත්තාපන කඳවුරේදී පුනරුත්ථාපන කාලය අවසන් කළ හිටපු එල්.ටී.ටී.ඊ. සාමාජිකයින් 07 දෙනෙකු ඔවුන්ගේ දෙමාපියන් හා ඥාතීන්වෙත වෙතට භාර දීම සිදුවිය.
ජනාධිපති ලේකම් කාර්යාලයට යාබදව ඉදිකළ මුදල් අමාත්‍යාංශයේ නව ගොඩනැගිලි සංකීර්ණය ජනාධිපති මෛත්‍රීපාල සිරිසේන මහතා අතින් අද උදැසන විවෘත කරනු ලැබීය.