භූමි කම්පාවෙන් විපතට පත් නේපාල ජනතාවට සහන සැළසීම සඳහා ශ්‍රී ලංකා යුද හමුදාවේ සහ ගුවන් හමුදාවේ වෛද්‍යවරුන්, වෛද්‍ය සහායකයන් ඇතුළු සහන කණ්ඩායමක් නේපාලය බලා ඊයේ (26) පිටත්ව ගිය අතර ඒ සමඟ රැගෙන ගිය ඖෂධ හා වියලි ආහාර ද්‍රව්‍ය තොඟයක් මෙහි වෙයි.
තොරතුරු දැන ගැනීමේ පනත හදිසි පනතක් ලෙස පාර්ලිමේන්තුවට ගෙන ඒමට කැබිනට් අනුමැතිය හිමි වූ බව කැබිනට් ප්‍රකාශක සෞඛ්‍ය හා දේශීය වෛද්‍ය ඇමති රාජිත සේනාරත්න මහතා කියයි.
රජයට අද (23) දින සියය සම්පූර්ණ වේ. ජනවාරි 08 දා පැවති ජනාධිපතිවරණයෙන් මෛත්‍රිපාල සිරිසේන මහතා ජනාධිපති ධූරයට පත් වීමෙන් පසුව බිහි වූ නව රජයේ දින සියයේ වැඩ සටහනේ සියවන දිනය ද අද වේ.
දෙහිවල ජාතික සත්වෝද්‍යානයට සත්ත්ව හුවමාරු වැඩසටහන යටතේ ජර්මනි‍ෙයන් රැගෙන ආ තෝර් (Thor) සිංහයාට දාව කොරියාවෙන් රැගෙන ආ සකීනා (Sakina) සිංහ දෙන විසින් ඊයේ (22) උදෑසන පැටවුන් තිදෙනකු බිහිකර ඇත.
වරප්‍රසාද ගැන කතා කරමින් අල්ලස් හෝ දූෂණ චෝදනා යටපත් කළ නොහැකි බව අගමැති රනිල් වික්‍රමසිංහ මහතා ඊයේ (21) පාර්ලිමේන්තුවේ දී පැවැසීය.
මන්ත්‍රීවරයකුට එරෙහිව යම් විමර්ශනයක් ආරම්භ කිරීමට පෙර තමා දැනුවත් කිරීම සුදුසු බව තමාගේ අදහස යැයි ඊයේ (21) පාර්ලිමේන්තුව අමතා ප්‍රකාශ කළ කතානායක චමල් රාජපක්ෂ මහතා සභාවේ කටයුතුවලට බාධා නොවන පරිදි මන්ත්‍රීවරුනගේ ගෞරවයට හානියක් සිදු නොවන අයුරින් අල්ලස් කොමිසම සිය විමර්ශන කටයුතු සිදුකළ යුතු බව අවධාරණය කළේය.
ඉකුත් ජනාධිපතිවරණයේදී පොරොන්දු වූ ආකාරයට දින සියයක් තුළ ජනතාවට ඉක්මන් සහන ලබාදීම සඳහා ක්‍රියාත්මක කරන ලද දින සියයේ වැඩපිළිවෙෙළන් සියයට 85ක් මේ වනවිට නිමාවී ඇතැයි රජය පවසයි.