05122019Thu
Last update:Tue, 03 Dec 2019

කැබිනට් පත්‍රිකා නිවැරැදිව සකසන්න උපදෙස්

Wickremesinghe 8ඇමැති මණ්ඩලයට ඉදිරිපත් කරන කැබිනට් පත්‍රිකා සහ යෝජනා නිවැරැදිව සකසන ආකාරය පිළිබඳ අමාත්‍යාංශ ලේකම්වරුන් දැනුවත් කරන ලෙස අගමැති රනිල් වික්‍රමසිංහ මහතා රජයේ ආර්ථික උපදේශකවරුන්ට ඊයේ (30) උපදෙස් දී තිබේ.

ජනපති ‘බ්ලූ රිජ්’ නෞකාවේ නිරීක්ෂණ චාරිකාවක

President 01 janapaශ්‍රී ලංකාව සහ අමෙරිකාව අතර සුහදතාව වර්ධනය කර ගැනීමේ අරමුණින් කොළඹ වරායට පැමිණ තිබෙන අමෙරිකානු නාවික හමුදාවට අයත් බ්ලූ රිජ් (Blue Ridge) නෞකාවේ නිරික්ෂණ චාරිකාවක නිරත වීමට ජනාධිපති මෛත්‍රීපාල සිරිසේන මහතා ඊයේ (28) පෙරවරුවේ පැමිණියේය. නෞකාවට පැමිණි ජනාධිපතිතුමා අමෙරිකානු නාවික හමුදාව විසින් හමුදා උත්තමාචාර සහිතව ඉතා ගෞරවයෙන් යුතුව පිළිගත්තේ ය. බ්ලූ රිජ් නෞකාව දින පහක සංචාරයකට කොළඹ වරායට පැමිණ තිඛෙන අතර 2011 වසරේ ඔක්තෝබර් මාසයෙන් පසුව අමෙරිකානු නාවික හමුදාවට අයත් නෞකාවක් මෙරටට පැමිණි පළමු අවස්ථාව මෙය වේ.

ඉතිහාසයත් ගෙන බෙදුණු රට නැවත එකමුතු කරමු

02 history 01බෙදුණු ජාතියක් වශයෙන් නොව සියලු ජාතින් සමග එක්ව අනාගතයට මුහුණ දිය යුතු බවද රටේ ඉතිහාසයත් සංස්කෘතියත් තේරුම්‍‍ ගෙන බෙදුණු රට නැවත එක් කිරීමට එක් විය යුතු බවද අග්‍රාමාත්‍ය රනිල් වික්‍රමසිංහ මහතා පැවසීය. යම්කිසි අයෙකුට වැඩියෙන් බෙදා වැඩිපුර සැලකිය යුතුද යන්න තීරණය කළ යුත්තේ මේ රටේ ජනතාව බවද අගමැති රනිල් වික්‍රමසිංහ මහතා කීය.

ජාතික ආදායමෙන් 13%ක් වැඩි කරනවා

01 rajaරජයේ ආදායම් මට්ටම ලබන වසර තුන තුළ දී දළ ජාතික ආදායමෙන් සියයට 13ක් දක්වා වැඩි කිරීමට රජය ක්‍රියාකරන බව සංවර්ධන උපායමාර්ගික හා ජාත්‍යන්තර වෙළෙඳාම පිළිබඳ අමාත්‍ය මලික් සමරවික්‍රම මහතා කියයි.

විනිසුරු නිවාස අසල පෝස්ටර් ගැසූ අයට නීතිය තදින්ම

02 loka 01අධිකරණයට බලපෑම් ඇති කරන ආකාරයට විනිසුරුවන්ගේ නිවාස ඉදිරිපිට පෝස්ටර් ගැසූ පුද්ගලයන් පිළිබඳ සොයා බලා ඔවුන්ට එරෙහිව නීතිය තදින්ම ක්‍රියාත්මක කරන ලෙස ජනාධිපති මෛත්‍රීපාල සිරිසේන මහතා ආරක්ෂක බලධාරින්ට උපදෙස් ලබාදී තිබේ.පෝස්ටර් ගැසූ පුද්ගලයන් කවුරුන්දැයි හරියාකාරව සොයා බැලීමට කටයුතු කරන ලෙස රාජ්‍ය බුද්ධි අංශ හා අනෙකුත් ආරක්ෂක අංශ වෙත ජනාධිපතිවරයා උපදෙස් දී ඇත.