වරප්‍රසාද ගැන කතා කරමින් අල්ලස් හෝ දූෂණ චෝදනා යට‍පත් කළ නොහැකි බව අගමැති රනිල් වික්‍රමසිංහ මහතා ඊයේ (21) පාර්ලිමේන්තුවේ දී පැවැසීය.

මන්ත්‍රීවරයකුට එරෙහිව යම් විමර්ශනයක් ආරම්භ කිරීමට පෙර තමා දැනුවත් කිරීම සුදුසු බව තමාගේ අදහස යැයි ඊයේ (21) පාර්ලිමේන්තුව අමතා ප්‍රකාශ කළ කතානායක චමල් රාජපක්ෂ මහතා සභාවේ කටයුතුවලට බාධා නොවන පරිදි මන්ත්‍රීවරුනගේ ගෞරවයට හානියක් සිදු නොවන අයුරින් අල්ලස් කොමිසම සිය විමර්ශන කටයුතු සිදුකළ යුතු බව අවධාරණය කළේය.

ඉකුත් ජනාධිපතිවරණයේදී පොරොන්දු වූ ආකාරයට දින සියයක් තුළ ජනතාවට ඉක්මන් සහන ලබාදීම සඳහා ක්‍රියාත්මක කරන ලද දින සියයේ වැඩපිළිවෙ­ෙළන් සියයට 85ක් මේ වනවිට නිමාවී ඇතැයි රජය පවසයි.

කලාකරුවන් සඳහා විශ්‍රාම වැටුප් ලබාදීමේ වැඩපිළිවෙළ සංස්කෘතික කටයුතු අමාත්‍යාංශය හා සමාජ ආරක්ෂණ මණ්ඩලය විසින් ඊයේ (21) නිල වශයෙන් ආරම්භ කරනු ලැබීය.

අප රටේ බෞද්ධ ආගමික පරිසරය ශක්තිමත් කිරීම වෙනුවෙන් මහා සංඝරත්නය ඓතිහාසික විශාල කාර්ය භාරයක් සිදුකර තිබෙනවා. එය අද දවසේ පමණක් නොව ඈත අතීතයේ රජ දවසේ සිට සිදුවෙමින් පවතිනවා. අනුරාධපුර යුගයේ සිට කොළඹ යුගය දක්වා ජාතික ආගමික සංස්කෘතික හා සමාජීය යන සියලු කටයුතු වලදී මහා සංඝරත්නය මහත් කැපවීමකින් ක්‍රියා කරනවා පමණක් නොව මේ රට විවිධ ආක්‍රමණිකයින් අතට පත්ව තිබූ අවධියේදීත් රට විවිධ අර්බුදවලට ගොදුරු වූ අවස්ථාවලදීත් පෙරමුණ ගෙන කටයුතු කර ඇත්තේද මහා සංඝරත්නය යි. එසේ හෙයින් අපේ පාලන කාලය තුළදීද මහා සංඝරත්නයේ අවවාද අනුශාසනා උතුම් කොට සලකනවා යයි ජනාධිපති මෛත්‍රීපාල සිරිසේන මහතා පෙරේදා (19) දින යක්කලමුල්ල කොට්ටවදී පැවසීය.

ප්‍රවීණ මාධ්‍යවේදියෙකු වූ ඩී.එෆ්.කාරියකරවන මහතා අභාවප්‍රාප්ත වී තිබේ.

කලක් තිස්සේ රෝගාතුරව සිටි ඒ මහතා අද උදෑසන  මියගිය බව  පවුලේ ඥාතීන් සඳහන් කළේය.

වර්ෂ 1922 දී උපත ලද ඒ මහතා මියයන විට   93 වන වියෙහි පසුවුණි.