ජනතාවට අවුරුදු ජයටම සමරන්න ඉඩ ලැබී ඇතැයි අගමැති කියයි
වසර ගණනාවකට පසු ප්‍රථම වතාවට මාර්තු මාසයේ ජීවන වියදම අඩු වී ඇතැයිද රජය ලබා දුන් සහන භුක්ති විඳිමින් ජනතාට මෙවර හොඳ අලුත් අවුරුද්දක් සැමරීමේ අවස්ථාව උදා වී ඇතැයිද අග්‍රාමාත්‍ය රනිල් වික්‍රමසිංහ මහතා පැවසිය.
ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැති ශ්‍රී ලංකා නිදහස් පක්ෂයේ පාර්ලිමේන්තු කණ්ඩායම් රැස්වීමේදී 19වැනි ව්‍යවස්ථා සංශෝධනය සහ නව මැතිවරණ ක්‍රමයක් පිළිබඳව නව කෙටුම්පතක් සකස් කිරීම සඳහා පත් කළ හත් දෙනකුගෙන් සමන්විත කමිටුවේ සභාපති ධුරය මහාචාර්ය ජී. එල්. පීරිස් මහතාට ලබා දී තිබේ.
19වෙනි ආණ්ඩු ක්‍රම ව්‍යවස්ථා සංශෝධනය සඳහා වූ ඉදිරි කටයුතු සඳහා පත් කර ඇති මෙම කමිටුවේ සෙසු සාමාජිකයින් වන්නේ ශ්‍රීලනිප ජ්‍යෙෂ්ඨ උප සභාපති නිමල් සිරිපාල ද සිල්වා, ශ්‍රීලනිප මහ ලේකම් අනුර ප්‍රියදර්ශන යාපා, ශ්‍රීලනිප ජාතික සංවිධායක සුසිල් ප්‍රේමජයන්ත, ශ්‍රීලනිප මාධ්‍ය ප්‍රකාශක ඩිලාන් පෙරේරා, පාර්ලිමේන්තු මන්ත්‍රී මහින්ද සමරසිංහ සහ අමාත්‍ය එස්. බී. දිසානායක යන මහත්වරුන්ය.
හිසතෙල් ගෑමේ රාජ්‍ය මහෝත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පොළොන්නරුව, කදුරුවෙල ජයන්ති විහාරයේ දී පැවැත්වේ.
ශ්‍රේෂ්ඨාධිකරණයේ තීරණය කතානායක මැතිසබේට දන්වයි
9 වැනි ව්‍යවස්ථා සංශෝධනය ආණ්ඩුක්‍රම ව්‍යවස්ථාවේ 82 (1) වන ව්‍යවස්ථාවේ විධිවිධානවලට අනුකූල බව ශ්‍රේෂ්ඨාධිකරණය දැනුම් දී ඇතැයි කතානායක චමල් රාජපක්ෂ මහතා ඊයේ (9) පාර්ලිමේන්තුවට කියා සිටිෙය්ය.
ජනපති පොළොන්නරුවේ දී කියයි
දහනව වන ව්‍යවස්ථා සංශෝධනය ලබන 20දා පාර්ලිමේන්තුවට ඉදිරිපත් කොට එය සම්මත කර ගැනීමෙන් පසු මහ මැතිවරණයක් සඳහා පාර්ලිමේන්තුව විසුරුවන්නට බලාපොරොත්තුවන බව ජනාධිපති මෛත්‍රීපාල සිරිසේන මහතා ඊයේ (09) පොලොන්නරුවේදී පැවැසීය.
අපවත් වී වදාළ සියම් මහා නිකායේ අස්ගිරි මහා විහාර පාර්ශ්වයේ මහනායක උඩුගම ශ්‍රී බුද්ධරක්ඛිත මහනායක ස්වාමීන්ද්‍රයන් වහන්සේගේ ශ්‍රී දේහය පිළිබඳ ආදාහන පූජෝත්සවය 12 දින පස්වරු 2.00ට පූර්ණ රාජ්‍ය ගෞරව සහිතව අස්ගිරිය පොලිස් ක්‍රීඩාංගණයේදී පැවැත්වෙයි.
අපවත් වී වදාළ අස්ගිරි පාර්ශ්වයේ මහානායක අතිපූජ්‍ය උඩුගම ශ්‍රී බුද්ධරක්ඛිත මහානායක හිමියන්ට ගෞරව කරමින් සෑම නිවෙසෙකම කහ කොඩියක් ඔසවා තබන ලෙස රජය මහජනතාවගෙන් ඉල්ලීමක් කරයි. නිවාස සඳහා කහ කොඩිය මෙන්ම සියලුම රාජ්‍ය ආයතනවල ජාතික කොඩිය අඩකුඹු කොට තබන ලෙස ද බෞද්ධ කටයුතු කොමසාරිස් ජෙනරාල් චන්ද්‍රපේම ගමගේ මහතා ඉල්ලයි.